عفوك رجائى نائبة المديرة
21/04/2011
البلد :
الجنس :
الهواية :
المشاركات : 3020
| موضوع: وصفات من الاخر اوعى تخافى من الحنة الأربعاء 19 أكتوبر 2011, 9:36 am | |
| السلام عليكم ورحمة الله وبركاته
لسه في بنات عايزة تجرب الحنه وخايفة شعرها ينشف
انهارده هقولكم طريقتي الخاصة في الحنه مش هتنشف شعركم ابداً
وبتغذي الشعر لأقصى درجة وهتحل كل مشاكل الشعر
بس بشرط
الأستمراااااااااااااااااااااااااااااااااااااار
اولاً هقولكم على البرطمان السري جداً ده هتعمليه و تخدي كل مرة منه معلقتين او تلاتة على الحنة
واللي مش عايزة تلون شعرها بالحنة هتعمليه من غير الحنة
يعني من الأخر هتعمل نفس الخلطة من غير الحنة وهتستفيد برده
اولاً :برطمان الأعشاب ده ------------------ معلقتين او تلاتة سمسم مطحون نااااااااااعم قوي ---------->للتنعيم (وده مهم جداَ) معلقتين عشبة الأس ----------------> للتطويل والتكثيف معلقتين حلبة مطحونة --------------->للتكثيف والتطويل معلقتين محلب مطحون--------------> مهم جداً والعرب دايماً بيحطوه في الحنة والزيوت بتاعتهم بيطول وبينعم الشعر معلقتين حبة البركة ----------------> لكل مشاكل الشعر معلقتين روز ماري مطحوون ناعم-------->للتنعيم والتطويل والكثافة معلقتين زهر البابونج مطحون ناعم-------> مهم جداً للتنعيم والتطويل وحيوية الشعر معلقة كمون مطحون----------------> ايوه بتاع الأكل مقوي لبصيلة الشعر معلقة ورق الغار---------------> وده بقه موجودفي كل بيت تقريباً هو(ورق لورا) اللي بيتحط على اللحمة والفراخ معلقة املج مطحون 1/2 معلقة قرنفل مطحون 1/2 معلقة حبهان مطحون ناعم
الصراحة دول اللي افتكرتهم دلوقتي وممكن تزودي العشبة اللي شيفاها ممكن تفيد شعرك ومتكتريش
طبعاً كل حاجة مطحونة كويس قوي هتخلطيهم مع بعض كويس وتحطيهم في برطمان
بس يا ريت متكتريش في الكمية علشان الزيوت العطرية اللي فيها مترحش
الكمية دي كويسه للي هتعملها كل اسبوع لكن لو هتركنيها شهر هتقل فايدتها
وتقفلي البرطمان كويس قوي
خلاص كده هنعمل ايه بعد كده
تجيبي حلة بيركس او اي حاجة زجاج تحطي 4 معالق حنة او على قد شعرك (واللي مش هتحني بلاش) معلقتين سدر مطحون ناعم-------> غنى عن التعريف معلقة صغيورة خميرة فورية -------(طبعاً دي مهمة بتنعم الشعر وبتساعد على تطويله) معلقتين تلاتة من الخلطة بتاعتنا
نجيب بقه حله صغيرة نحط فيها كوباتين ميه ونحط فيهم ايه؟؟
طبعاً بصلايه صغيورة مقطعة وفصين توم مقطعين 0(ومحدش يقولي الريحة)
هيسلقوا وملهومش ريحة وسط الدوشة دي كلها
هناخد المية بس ونعجن بيها الحنه بس مش كتير متحطيش كل المية علشان هنضيف
علبة زبادي + معلقة زبدة او قشطة او الأتنين + معلقة مايونيز ممكن تزودي معلقة عسل
هنعجن كويس قوي هتسبيها تخمر 4 او 5 ساعات
وقبل متفرديها على شعرك هتضيفي معلقة خل (للشعر الجاف) ومعلقتين خل (للشعر الدهني) وبيضة(البيض بخليه في الأخر مع الخل علشان ميعملش بكتريا من التخمير) وتعجنيها كويس
استخدمي في توزيع الحنة فرشة الصبغة وخدي خصلة خصلة علشان شعرك كله يتشرب
وهتقسمي شعرك وتوزعي الحنة عليها كويس قوي وخصوصاً الجذور وفروة الراس علشان تتشرب كل الغذا ده
وتلميه بكيس نايلون او بونية بلاستك وبعدين ايشارب 5 او 6ساعات
خلاص كده خلصنا
جينا بقه للغسيل سهل قوي متخفيش
هتنزلي تحت الدش وخلي الميه تجري فوق راسك كتير وبراحة خالص خلي كل الأعشاب والحنة تنزل براحتها وانتي يدوب تمشي إيدك على راسك من غير عنف
هتلاقي كل حاجة بتنزل لوحدها بعد كده هاتي بلسم او حمام كريم وادهني شعرك كويس وبمشط واسع وبراحة خالص من تحت لفوق نزلي الحنة هتلاقيها بتتزحلق من شعرك يعني ايه من تحت لفوق امسكي خصلة وسلكيها من تحت وكل ما تتسلك اطلعي فوق شوية وسلكي شعرك لغاية متعرفي تسرحي شعرك عادي وبالراحة البلسم هيساعد في نزول الحنه
مفيش طبعاً غسيل بالشامبو اول يوم شعرك هيبقى زي الفل ومفهوش اي حاجة
تاني يوم اعملي حمام زيت واغسلية بالشامبو ولفيه طاقيه
وياريت يكون زيت بسيط مش تعقيدة يعني زيت او زيتين مخلطوين مع بعض بس ممكن زيت جوز الهند او زيت السمسم تحفة
والهي يا بنات الطريقة دي تحفة لو عملتيها مرة كل اسبوع شعرك ده بعد شهر هيبقى حاجة تانية
انا انتظمت فيها شهر شعري بقى صحى وجميل وبيلع ومش هايش ومقصف
بس الأستمرااااااااااااار
| |
|
ايمان الخطيب عضوة نشيطة
01/06/2011
البلد :
الجنس :
العمر : 35
الهواية :
المشاركات : 65
| موضوع: رد: وصفات من الاخر اوعى تخافى من الحنة السبت 22 أكتوبر 2011, 6:50 pm | |
| تسلمى يا قمر | |
|
عفوك رجائى نائبة المديرة
21/04/2011
البلد :
الجنس :
الهواية :
المشاركات : 3020
| موضوع: رد: وصفات من الاخر اوعى تخافى من الحنة الإثنين 28 نوفمبر 2011, 5:09 pm | |
| | |
|