السلام عليكم ورحمة الله وبركاته...
ازيكم يا اجمل نسومات...
مين منا مش عايزه تكون قمر 14؟؟
اكيد كلنا عايزين...
وانا اولكم طبعا...
مين مننا مش بتشتكي...
انا بشرتي دبلانه...
انا جسمي اغمق...
انا عندي هالات سوده...
بشرتي مش فاتحه..
وحاجات تانيه كتير..
انا عملت سيرش عن الموضوع ده كتير...
ولقيت مواضيع كتيره كويسه...
وعملتلكم ملخص للمواضيع اللي افادتني...
ويارب انتوا كمان تستفيدوا منه...
وكلها حاجات في بيتك...
اولا وقبل اي حاجه...
المعصيه لها ظلمه والطاعه لها نور وبياض...
يعني لازم ننظم عبادتنا...
ونتقرب من ربنا...
الصلاه في وقتها...
النوافل...
قيام الليل...
والقران..ده بجد اللي نووور...
والدعاء...اللهم اجعل في قلبي ووجهي نور...
ولازم تعرفي ان مفيش ست وحشه...
والجمال ده نعمه من ربنا...
لازم نحمد ربنا عليه...
ونحافظ عليه...
الحاجه التانيه...
التغذيه...
مهما حطيتي كريمات وخلطات...
مش هتلاقي نتيجه مرضيه الا لما تنظمي التغذيه..
اول حاجه بلاش المشروبات الغازيه دي...
دماااااااااار...
وقبل ماتشربيها افتكري انك بتدمري صحتك وبشرتك وعظمك...
تاني حاجه الشيكولاته والحلويات...
انا عارفه ان الكل بيحبها...
وانا اولكم...
مانا مش بقولك امنعيها...
قلليها بس...
اول ماتصحي من النوم...علشان صلاة الفجر
جيبي ملعقة عسل + نص كباية ميه دافيه
دوبيهم كويس...
واشربيهم...
فوائده روعه للجسم وللصحه...
بعد الصلاه بنص ساعه...
هاتي برتقاله واعصريها...واشربيها...
البرتقال مفيد للبشره جدا...
بيصفيها وينورها...
خلال اليوم كلي خضروات كتير..
وبين الوجبات فواكه...
والميه...
اكيد الكل عارف اد ايه فايدة الميه...
وجعلنا من الماء كل شيء حي...
هاتي زجاجه ميه وخليها جنبك...
كل شويه اشربي منها...
بتدي نضاره مش معقوله...
وممكن تحطي عليها ماء ورد...
كمان لما تيجي تشتغلي في البيت...
حطي على ايدك كريم...والبسي جوانتي...
وبردو حطي كريم في رجلك...والبسي الشراب..
العشاء...
خفيف خفيف...
وياريت لو علبة زبادي..وتعصري عليها لمون...
وسمعت كمان حاجه...بس لسه ماجربتهاش
انك تبلعي فص توم قبل ماتنامي..
تبلعيه زي الدواء...
بينظف الجسم وينقيه...
ودي نصائح عامه...
اشربي 8 اكواب ماء ساقعه كل يوم...
بتشد الجسم...وتنقيه...
تجيبي الشمع...
وتدوبيها...
وقبل ماتنامي حطي اي كريم على رجلك...
وحطي الشمع فوقه..
والصبح شيليه..
نعومه خياااااال...
بودرة الجيلي ...
بالفراوله...
وبقطن الاذن...
تحطي على شفايفك...
هتبقى روعه...
قشور البرتقال...
تفريكي بيها اسنانك...
تعقيم وتنظيف...
اللبن البودره...
غسول طبيعي للبشره...
ينقي ويبيض...
هاتي ملعقتين معدن...
وحطيهم في الفريزر...
وحطيهم على عينك...
يشيل التورم والانتفاخات...
رشي على وشك لبن...
ينقي الوش...
ويشيل الخلايا الميته...
شرايح بطاطس ساقعه...
على عينك...
يشيل الهالات السوده ...
البقدونس...
يشد البطن...
ينقي الجسم من السموم...
بالنسبه للخلطات والكريمات..
ماتجربيش اي حاجه الا لما تتأكدي انها مناسبه ليكي...
لأن البشرات بتختلف عن بعضها...
واللي بيناسبك مايناسبش غيرك...
لو اتأكدتي ان الخلطه تناسبك...
لازم تستمري عليها...
لأن مفيش حاجه بتيجي من اول مره
انا بجرب معاكم
لا الة الا اللة