اهتمى ببشرتك وكلة من بيتك؟ ازاى طب تعالى اقولك؟؟؟؟؟؟؟؟؟

السلام عليكم ورحمة الله وبركاته...

ازيكم يا اجمل نسومات...
مين منا مش عايزه تكون قمر 14؟؟
اكيد كلنا عايزين...
وانا اولكم طبعا...

مين مننا مش بتشتكي...
انا بشرتي دبلانه...
انا جسمي اغمق...
انا عندي هالات سوده...
بشرتي مش فاتحه..
وحاجات تانيه كتير..

انا عملت سيرش عن الموضوع ده كتير...
ولقيت مواضيع كتيره كويسه...
وعملتلكم ملخص للمواضيع اللي افادتني...
ويارب انتوا كمان تستفيدوا منه...
وكلها حاجات في بيتك...

ملف كامل لجمالك...وكله من بيتك...وبالصور

اولا وقبل اي حاجه...
المعصيه لها ظلمه والطاعه لها نور وبياض...
يعني لازم ننظم عبادتنا...
ونتقرب من ربنا...
الصلاه في وقتها...
النوافل...
قيام الليل...
والقران..ده بجد اللي نووور...
والدعاء...اللهم اجعل في قلبي ووجهي نور...

ولازم تعرفي ان مفيش ست وحشه...
والجمال ده نعمه من ربنا...
لازم نحمد ربنا عليه...
ونحافظ عليه...

الحاجه التانيه...
التغذيه...
مهما حطيتي كريمات وخلطات...
مش هتلاقي نتيجه مرضيه الا لما تنظمي التغذيه..

اول حاجه بلاش المشروبات الغازيه دي...
دماااااااااار...
وقبل ماتشربيها افتكري انك بتدمري صحتك وبشرتك وعظمك...

تاني حاجه الشيكولاته والحلويات...
انا عارفه ان الكل بيحبها...
وانا اولكم...
مانا مش بقولك امنعيها...
قلليها بس...

اول ماتصحي من النوم...علشان صلاة الفجر
جيبي ملعقة عسل + نص كباية ميه دافيه
دوبيهم كويس...
واشربيهم...
فوائده روعه للجسم وللصحه...

بعد الصلاه بنص ساعه...
هاتي برتقاله واعصريها...واشربيها...
البرتقال مفيد للبشره جدا...
بيصفيها وينورها...

خلال اليوم كلي خضروات كتير..
وبين الوجبات فواكه...

والميه...
اكيد الكل عارف اد ايه فايدة الميه...
وجعلنا من الماء كل شيء حي...
هاتي زجاجه ميه وخليها جنبك...
كل شويه اشربي منها...
بتدي نضاره مش معقوله...
وممكن تحطي عليها ماء ورد...

كمان لما تيجي تشتغلي في البيت...
حطي على ايدك كريم...والبسي جوانتي...
وبردو حطي كريم في رجلك...والبسي الشراب..

العشاء...
خفيف خفيف...
وياريت لو علبة زبادي..وتعصري عليها لمون...