الا يا دنيتي شوفي عظيم الحزن سكن فيني
سكن قلبي سكن روحي ونظراتي سكن فيها
اخذته وقلت له يا حزن رجاي انك تخليني
صرخ فيني وقال لى كيف ؟؟؟ وجروحك وين اوديها
رفعت الراس لخالقها وقلت ان الله يعيني
حبيب ما رأف حالى هدم روحي وامانيها
انا ودي اعيش العمر واعيش باقي سنيني
متهني مثل هالناس بدون اهموم اعانيها
ابى خلا اذا الفى كفيل انه ينسيي
هموم شالها قلبي ولايطريلي طاريها
ابى تزهى به ايامي واهديه اجمل سنيني
واحطه نور لحياتي ينورها ويضويها
ابى العب مثل طفله واحس انه بيحميني
واذا اتعبني الموضوع ادور وين احضانه وارتمي فيها
وابيه يلعب بخصلاتي وهو ماسك ايديني
وابيه يطالع عيوني ويقرأ مانكتب فيها
ولكن كل هذا حلم بين نفسي وبيني
ومابقيت سوى احزاني تداريني وداريها