ما يهموني حبيبي مثل منت تهمني ** مهما قالو مهما عادو رأيهم ماله قبول
ثق حياة الروح كلمتهم ابد متهــزني ** ماتغير شي بحبي لك ولايمكن تنول
بالعكس كل ما يذمونك يزيد يحثني ** ارتبط اكثر واكثر بك الى حد الذهــول
مهما حاول غيرك بحلو الكلام يغرني ** أوعدك مايظفر بذره من إحساسي يطول
راح يتعب دون جدوىمستحيل يسرني ** يصعب أتجاوب معه واتقبل انصاف الحلول
مااقارن بك احد هذا قرار يخصني ** اتخذته من قناعه راسخه يصعب تزول
مستحيل القلب عن نشوة غرامك ينثني ** ذي حقيقه قلتها وادرك واعي بللي أقول
انت بس اللي تكفيني وعن غيرك غني** انت أغلا غايتي وأقصى مدى ليه الوصول
انت حلمي اللي يراودني ويجعلني هني ** وانته الحظ اللي يحسدني عليه اكبر عذول
اقهر العالم حبيب الروح كله وارضني ** واعتبر ماقالو العذال من سخف العقول
الجنس
